🪷ସର୍କାର//ଈଶ୍ୱର🪷 -

ମହେଶ୍ବର ବେହେରା
☘️🙏☘️
ସର୍କାର ଯେମିତି ଈଶ୍ୱର ସେମିତି
କାହାରିକୁ ଆମେ ଦେଖି ନାହେଁ
ଭୋଟ୍ ବେଳେ ସର୍କାରକୁ
ଅଭାବ ପଡ଼ିଲେ ଈଶ୍ୱରଙ୍କୁ
ଅନୁଭବ ଯାହା କରିହୁଏ।
ଅଭାବି ଲୋକଟି ଦୁଃଖରେ ପଡ଼ିଲେ
ଈଶ୍ୱରଙ୍କ କୃପା ଲୋଡିଥାଏ
ଭୋଟ୍ ସରିଲେ ଭେଟ ନ ହୋଇଲେ
ସରକାରଟାକୁ ଗାଳି ଦିଏ।
ସବୁ ଦେଖି ଶୁଣି ନଣ୍ଡା ଗଛତଳେ
ପାଗଳ ବିଳାପ କରୁଥାଏ
ସରକାର ଆମେ ଈଶ୍ୱର ତୁମେ
ଆବଶ୍ୟକ ବେଳେ ଜାଣିହୁଏ।
ଈଶ୍ୱର ରୁହନ୍ତି ହୃଦୟ ଭିତରେ
ସର୍କାର ରୁହେ ହୃଦୟ ବାହାରେ
ସମୟ ପଡ଼ିଲେ ଉଭୟଙ୍କୁ ଯାହା ଚିହ୍ନି ହୁଏ।
ବଡ଼ ଥାଳିଆରେ ଫଳମୂଳ ଭୋଗ
ଈଶ୍ୱରଙ୍କ ପାଖେ ପୂଜା ପାଏ
କୁଢ଼ କୁଢ଼ ଖାଲି କାମିନୀ କାଞ୍ଚନ
ସରକାର ପାଦେ ଲାଗି ହୁଏ।
ଅବେଳରେ କେବେ ଗୁହାରି କରିଲେ
ଈଶ୍ୱର ଆଶିଷ ମିଳିଥାଏ
ଗରିବ ଧନରେ ଖୁସି କରିବାକୁ
ସରକାର ଟ୍ୟାକ୍ସ ନେଇଯାଏ।
ଈଶ୍ୱର ଦିଅନ୍ତି ସର୍କାର ନିଅନ୍ତି
କହିବାକୁ ଆମେ ତମେ କିଏ
ଆଜି ଈଶ୍ୱର ପଡ଼ିଛନ୍ତି ଘଣାରେ
ନିଅନ୍ତିନି କିଛି ଦିଅନ୍ତିନି କିଛି
ମାଗିଲେ ଯାଚିଲେ ଲୋକେ
ସର୍କାର କିନ୍ତୁ ଶାଣ ଦେଇ ତୁଣ୍ଡେ
ଈଶ୍ୱରଙ୍କ ଧନ ଲୁଣ୍ଠିନିଏ।
ଜଳଜଳା ଭାବେ ଜୁଳୁଜୁଳୁ ଚାହିଁ
ପାଗଳ ପ୍ରଳାପି ଉଠିଥାଏ
ମନ୍ଦିର ମସଜିଦ ଫାଙ୍କା ପଡିଛି
କେହି ନାହିଁ ତାଙ୍କରି ଦୁଆରେ
ସରକାର ଖଣ୍ଟ ହାଣୁଚି ଲୁଟୁଚି
ଫିର୍ ଭି ଗହଳି ତା ପାଖରେ।
ଏଠି କିଏ ବା କା’ କଥା ଶୁଣୁଛି ହେ
ପାଗଳଟା ଖାଲି ଗର୍ଜନ କରୁଛି
ସର୍କାର ଈଶ୍ୱର କିଛି ନାହିଁ ଆଜି
ଶୂନ୍ୟରୁ ଧନ ଆସେ ଯାଏ
କାହାରିକୁ ଆମେ ଦେଖି ନାହେଁ
କାହାରିକୁ ଆମେ ଚିହ୍ନି ନାହେଁ।