କାଲି ମହାପ୍ରଭୁଙ୍କ ଦେବସ୍ନାନ ପୂର୍ଣ୍ଣିମା । ସ୍ନାନମଣ୍ଡପ ରେ ଠାକୁରଙ୍କ ପ୍ରତ୍ୟକ୍ଷ ସ୍ନାନ ଓ ଗଜାନନ ବେଶ ଦେଖିବା ଲାଗି ଶ୍ରୀକ୍ଷେତ୍ରରେ ଲକ୍ଷାଧିକ ଶ୍ରଦ୍ଧାଳୁଙ୍କ ଆଗମନକୁ ଦୃଷ୍ଟିରେ ରଖି ପୁରୀ ପୁଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ଟ୍ରାଫିକ ବ୍ୟବସ୍ଥାରେ ଜଣେ ଏସ୍ପି ତଥା କମାଣ୍ଡାଣ୍ଟ ର୍ୟାଙ୍କ ଅଫିସରଙ୍କ ସହ ୨ଜଣ ଅତିରିକ୍ତ ଏସ୍ପି ତଥା ଡେପୁଟି କମାଣ୍ଡାଣ୍ଟ, ୬ଜଣ ଡିଏସ୍ପି ତଥା ଆସିଷ୍ଟାଣ୍ଡ କମାଣ୍ଡାଣ୍ଟ, ୧୦ଜଣ ଇନ୍ସପେକ୍ଟର, ୮୭ଜଣ ଏସ୍ଆଇ ଓ ଏଏସ୍ଆଇ, ୧୪୦ କନେଷ୍ଟବଳ, ୪୦୬ହୋମଗାର୍ଡଙ୍କ ସମେତ ୮ ପ୍ଲାଟୁନ୍ରୁ ଅଧିକ ଫୋର୍ସ ମୁତୟନ କରାଯାଇଛି ।
ସ୍ନାନଯାତ୍ରା ଦିନ ପାଇଁ ସ୍ୱତନ୍ତ୍ର ଟ୍ରାଫିକ ବ୍ୟବସ୍ଥା କରିଛି ପୁଲିସ । ବାହାର ରାଜ୍ୟରୁ ଆସୁଥିବା ସମସ୍ତ ଟୁରିଷ୍ଟ ଯାତ୍ରୀବାହୀ ବସଗୁଡିକ ମାଳତୀପାଟପୁରଠାରେ ପାର୍କିଂ କରିବେ । ସେହିପରି ଭୁବନେଶ୍ୱରୁ ଆସୁଥିବା ରୋଗୁଲାର ଯାତ୍ରୀବାହୀ ବସ୍ ଅଠରନଳା ଦେଇ ଡାକ୍ତରଖାନା ଛକ ଦେଇ ପୁରୀ ବସଷ୍ଟାଣ୍ଡରେ ପହଞ୍ଚିବ । କୋଣାର୍କ ପଟୁ ଆସୁଥିବା ରେଗୁଲାର ଯାତ୍ରୀବାହୀ ବସ୍ଗୁଡିକ ବାଇଦାସନଗରଠୁ ମାଳତୀପାଟପୁର ଆରଓବି ଦେଇ ବାଟଗାଁ,ଅଠରନଳା,ଡାକ୍ତରଖାନଛକ ଦେଇ ବସ୍ଷ୍ଟାଣ୍ଡ ରେ ପହଞ୍ଚିବ, ଅନ୍ୟପକ୍ଷରେ ବ୍ରହ୍ମଗିରି ପଟୁ ଆସୁଥିବା ରେଗୁଲାର ଯାତ୍ରୀବାହୀ ବସଗୁଡିକ ମଙ୍ଗଳାଘାଟ ଛକ ଦେଇ ବାଇପାସ୍ରେ ଆସି ହରେକୃଷ୍ଣପୁରଛକ ଦେଇ ଅଠରନଳା,ଡାକ୍ତରଖାନା ଛକ ଦେଇ ବସ୍ଷ୍ଟାଣ୍ଡରେ ପହଞ୍ଚିବ । ସମସ୍ତ ଯାତ୍ରୀବାହୀ ବସ୍ଗୁଡିକ ବସ୍ଷ୍ଟାଣ୍ଡରୁ ଫେରିବାବେଳେ ମାଟିଆପଡ଼ା ଛକ ଦେଇ ଅଠରନଳା ଦେଇ ନିଜ ନିଜ ଗନ୍ତବ୍ୟସ୍ଥଳକୁ ଯିବେ ।
Leave a Reply