ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ୯୮ ତମ ଶ୍ରାଦ୍ଧ ବାର୍ଷିକ ସ୍ମୃତି ସଭା -

ଆଜି ପବିତ୍ର ନେତ୍ରୋତ୍ସବ ତିଥି ଓଡ଼ିଆ ଜାତିର ଚିର ନମସ୍ୟ “ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ” ଙ୍କ ୯୮ତମ ପୁଣ୍ୟତିଥି ଅବସରରେ ନିମାପଡା ତହସିଲ ସାମ୍ନା ସ୍ଥିତ ଉତ୍କଳମଣି ଙ୍କ ପ୍ରତିମୂର୍ତ୍ତି ରେ ଭକ୍ତିପୂତ ଶ୍ରଦ୍ଧା ସୁମନ ଅର୍ପଣ କରାଯାଇଛି ।

ନିମାପଡା ର ଏହି ଶ୍ରେଷ୍ଠ ପୂଜ୍ୟପୂଜା କାର୍ଯ୍ୟକ୍ରମରେ ଜାଗ୍ରତ ଯୁବଶକ୍ତି ସଂଗଠନ, ଗୋପବନ୍ଧୁ ସେବା ସଂଘ, ବରିଷ୍ଠ ନାଗରିକ ମଞ୍ଚର ସଦସ୍ୟ ମାନଙ୍କ ସମେତ ଅଂଚଳର ବହୁ ବୁଦ୍ଧିଜୀବି, ଅନେକ ସାମାଜିକ ଅନୁଷ୍ଠାନ ର କର୍ମକର୍ତ୍ତା, ସାଧାରଣ ନାଗରିକ ଗଣ ଉପସ୍ଥିତ ରହି ଉତ୍କଳମଣି ଙ୍କ ସେବା, ସମର୍ପଣ ଓ ତ୍ୟାଗପୂତ ଜୀବନ ଦର୍ଶନ ଉପରେ ଆଲୋକପାତ କରିଥିଲେ ।

ଏହି ସଭାରେ ଗୋପବନ୍ଧୁଙ୍କ ଦେଶପ୍ରେମ ଓ ଦେଶ ଗଠନରେ ତାଙ୍କର ଅବଦାନ ଅତୁଳନୀୟ। ଅତିରିକ୍ତ ତହସିଲଦାର ଭେଙ୍କେଟେଶ୍ଵର ରାଓ ଙ୍କ ସଭାପତିତ୍ଵ ରେ ଏହି ସଭାରେ ଜାଗ୍ରତ ଶକ୍ତିର ସଂଗଠନ ର ମୂଖ୍ୟ କାର୍ଯ୍ୟକାରୀ ବିଜୟାନନ୍ଦ ଦାସ, ସଂଯୋଜକ ସମୀର ରଂଜନ ରାଉତରାୟ, ଉପଦେଷ୍ଟା ଅଜୟ କୁମାର ମିଶ୍ର , ସଭ୍ୟ ଅଜୟ କୁମାର ପଣ୍ଡା, ବରିଷ୍ଟ ନାଗରିକ ମଞ୍ଚର ସଭାପତି ବିବେକାନନ୍ଦ ପାତ୍ର, ପ୍ରସନ୍ନ କୁମାର ଦାଶ , ରାଧାମୋହନ ଦାଶ ,ଦଣ୍ଡପାଣି ସାହୁ ଏବଂ ଦେବାଶିଷ ପାତ୍ର ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ। ଗୋପବନ୍ଧୁ ଦାସଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସାମାଜିକ କାର୍ଯ୍ୟରେ ନିୟୋଜିତ ହୋଇ କାର୍ଯ୍ୟ କରିବା ପାଇଁ ଆହ୍ୱାନ କରିଥିଲେ।