ଭି.ଏଲ.ଇ ୟୁନିୟନ ଓଡ଼ିଶାର ନୂତନ ୱେବସାଇଟ୍‌ ଉନ୍ମୋଚିତ: ଅନଲାଇନ୍ ପଞ୍ଜୀକରଣ ପାଇଁ ଆହ୍ୱାନ -

ବିଭୂତି ଟିଭି (ନିଜସ୍ୱ ପ୍ରତିନିଧି), ଭୁବନେଶ୍ୱର (୧୯/୦୮/୨୦୨୬): ଭି.ଏଲ.ଇ ୟୁନିୟନ ଓଡ଼ିଶା ପକ୍ଷରୁ ସଂଗଠନକୁ ଅଧିକ ସୁଦୃଢ଼, ସଶକ୍ତ ଓ ସଂଘଠିତ କରିବା ପାଇଁ ଏକ ନୂତନ ଅଧ୍ୟାୟର ଶୁଭାରମ୍ଭ ହୋଇଛି। ଆଜି ସଂଗଠନର ଆଫିସିଆଲ୍ ୱେବସାଇଟ୍ vleunionodisha.in ଆନୁଷ୍ଠାନିକ ଭାବେ ଉଦ୍‌ଘାଟିତ ହୋଇଯାଇଛି।
ସଂଗଠନର ପରିଚାଳନା ପରିଷଦ ପକ୍ଷରୁ ଓଡ଼ିଶାର ସମସ୍ତ VLE (ଭି.ଏଲ.ଇ) ଭାଇ ଓ ଭଉଣୀମାନଙ୍କୁ ଏହି ନୂତନ ପୋର୍ଟାଲ୍‌ରେ ଯଥାଶୀଘ୍ର ନିଜର ନାମ ପଞ୍ଜୀକରଣ (Registration) କରିବାକୁ ବିଶେଷ ଅନୁରୋଧ କରାଯାଇଛି।
ମୁଖ୍ୟ ଆକର୍ଷଣ ଓ ଆହ୍ୱାନ:
ୱେବସାଇଟ୍ ଲିଙ୍କ୍: vleunionodisha.in
ପଞ୍ଜୀକରଣର ଲକ୍ଷ୍ୟ: ସଦସ୍ୟମାନଙ୍କୁ ଗୋଟିଏ ମଞ୍ଚରେ ଯୋଡ଼ିବା, ଅଧିକାର ସୁରକ୍ଷିତ କରିବା ଏବଂ ସାଙ୍ଗଠନିକ ଏକତାକୁ ମଜବୁତ୍ କରିବା।
”ଆପଣଙ୍କ ପଞ୍ଜୀକରଣ • ଆପଣଙ୍କ ଅଧିକାର • ଆପଣଙ୍କ ସଂଗଠନ” — ଏହି ନାରା ସହ VLE ସମ୍ପ୍ରଦାୟର ସମସ୍ତ ସଦସ୍ୟଙ୍କୁ ଏକାଠି ହୋଇ ସଂଗଠନକୁ ଏକ ନୂତନ ଉଚ୍ଚତାକୁ ନେବା ପାଇଁ ୟୁନିୟନ ପକ୍ଷରୁ ନିବେଦନ କରାଯାଇଛି।