ନ୍ୟାସନାଲ ହ୍ୟୁମାନ ରାଇଟ୍ସ ସୋସିଆଲ ଜଷ୍ଟିସ କାଉନସିଲ ଅଫ୍ ଇଣ୍ଡିଆ, ଓଡିଶା ପକ୍ଷରୁ ସଦସ୍ୟତା ସଭା -

ଜଗତସିଂହପୁର(BT)06 ମାର୍ଚ୍ଚ,ନ୍ୟାସନାଲ ହ୍ୟୁମାନ ରାଇଟ୍ସ ସୋସିଆଲ ଜଷ୍ଟିସ କାଉନସିଲ ଅଫ୍ ଇଣ୍ଡିଆ, ଓଡିଶା ଇଉନିଟ୍ ପକ୍ଷରୁ ଆଜି ଜଗତସିଂହପୁର ଜିଲ୍ଲାର ମା’ ସାରଳା ମନ୍ଦିର ପରିସରରେ ଏକ ସଦସ୍ୟତା ସଭା ଓ ଆଇଡି କାର୍ଡ ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଏହି କାର୍ଯ୍ୟକ୍ରମରେ ଜଗତସିଂହପୁର ଜିଲ୍ଲା ସଭାପତି ଶ୍ରୀ ଚନ୍ଦ୍ରକାନ୍ତ ଦାସ ଓ ସମସ୍ତ ସଦସ୍ୟମାନେ ଉପସ୍ଥିତ ଥିଲେ। ସେହିପରି ରାଜ୍ୟ ଅଧ୍ୟକ୍ଷା ଡ଼ଃ ସ୍ୱର୍ଣ୍ଣମୟୀ ରାଉତ, ରାଜ୍ୟ ମୁଖ୍ୟ ପରାମର୍ଶଦାତ୍ରୀ ଡ଼ଃ ସୌଦାମିନୀ ଦାସ ଓ ରାଜ୍ୟ ସଚିବ ଶ୍ରୀ ନୃସିଂହ ଚରଣ ମାନସିଂହ ମଧ୍ୟ ଏହି ସଭାରେ ଯୋଗଦେଇଥିଲେ।
କାର୍ଯ୍ୟକ୍ରମରେ ସଂଗଠନର ସଦସ୍ୟମାନଙ୍କୁ ଆଇଡି କାର୍ଡ ବଣ୍ଟନ କରାଯାଇଥିଲା ଏବଂ ମାନବ ଅଧିକାର ଓ ସାମାଜିକ ନ୍ୟାୟ ସମ୍ପର୍କିତ କାର୍ଯ୍ୟକଳାପକୁ ଆହୁରି ସୁଦୃଢ଼ କରିବା ନେଇ ଆଲୋଚନା କରାଯାଇଥିଲା।
ସମସ୍ତ ସଦସ୍ୟଙ୍କ ସକ୍ରିୟ ଯୋଗଦାନରେ କାର୍ଯ୍ୟକ୍ରମଟି ସଫଳଭାବେ ସମ୍ପନ୍ନ ହୋଇଥିଲା।